سپیکر قومی اسمبلی دا شمالی وزیرستان اچ 15 خوارجیاں کوں جہنم واصل کرݨ تے سکیورٹی فورسز کوں خراجِ تحسین

اسلام آباد۔ 03 ستمبر (اے پی پی) سپیکر قومی اسمبلی سردار ایاز صادق شمالی وزیرستان اچ 15 خوارجیاں کوں جہنم واصل کرݨ تے سکیورٹی فورسز کوں خراجِ تحسین پیش کریندیں ہوئیں آکھیا جو قوم آپݨے جری سپوتاں دی جرأت تے بہادری کوں سلام پیش کریندی اے۔ خمیس کوں ہک سنیھے اچ انہاں سکیورٹی فورسز دی پیشہ ورانہ مہارت تے صلاحیتاں کوں سراہندیں ہوئیں آکھیا جو دہشت گردی دے خاتمے کیتے سکیورٹی فورسز دا غیر متزلزل عزم لائقِ تحسین اے۔ انہاں دا آکھݨ ہئی جو دہشت گردی دے خلاف جنگ اچ پوری قوم سکیورٹی فورسز دے نال کھڑی اے۔