اسلام آباد۔ 03 ستمبر (اے پی پی) وفاقی وزیر داخلہ محسن نقوی شمالی وزیرستان دے نیڑے پاک افغان سرحد تے فتنہ الہندوستان دے دہشت گرداں دی دراندازی دی مذموم کوشش ناکام بݨاوݨ تے سکیورٹی فورسز کوں شاندار الفاظ اچ خراجِ تحسین پیش کیتے۔ وزارتِ داخلہ ولوںجاری بیان دے مطابق انہاں فورسز دی مستعدی کوں سراہندیں ہوئیں آکھیا جو جواناں بروقت تے دلیرانہ کارروائی کریندیں ہوئیں سرحد پار توں داخل تھیوݨ …
وفاقی وزیر داخلہ دا پاک افغان سرحد تے فتنہ الہندوستان دے دہشت گرداں دی دراندازی ناکام بݨاوݨ تے سکیورٹی فورسز کوں خراجِ تحسین
اسلام آباد۔ 03 ستمبر (اے پی پی) وفاقی وزیر داخلہ محسن نقوی شمالی وزیرستان دے نیڑے پاک افغان سرحد تے فتنہ الہندوستان دے دہشت گرداں دی دراندازی دی مذموم کوشش ناکام بݨاوݨ تے سکیورٹی فورسز کوں شاندار الفاظ اچ خراجِ تحسین پیش کیتے۔ وزارتِ داخلہ ولوںجاری بیان دے مطابق انہاں فورسز دی مستعدی کوں سراہندیں ہوئیں آکھیا جو جواناں بروقت تے دلیرانہ کارروائی کریندیں ہوئیں سرحد پار توں داخل تھیوݨ آلے 15 دہشت گرداں کوں جہنم رسید کیتا اتے دشمن دے ناپاک عزائم کوں خاک اچ ملا ݙتا۔ محسن نقوی وطنِ عزیز دے دفاع اچ پیش پیش سکیورٹی فورسز دے بہادر سپوتاں کوں سلام پیش کریندیں ہوئیں آکھیا جو قوم کوں آپݨے بہادر جواناں دی پیشہ ورانہ صلاحیتاں، عسکری حکمتِ عملی تے بے مثال جرأت تے فخر اے۔ انہاں آکھیا جو دہشت گرد عناصر ملکی امن کوں سبوتاژ کرݨ دے درپے ہن لیکن افواجِ پاکستان تے سکیورٹی ادارے سرحداں تے سیسہ پلائی دیوار بݨ تے دشمن دے ناپاک منصوبے ناکام بݨیندے پئن۔ پوری قوم سکیورٹی فورسز دے نال کھڑی اے۔
