یوروبانڈز دے کامیاب اجراء نال کریڈٹ ریٹنگ دی بین الاقوامی ایجنسیاں، عالمی مالیاتی منڈیاں تے سرمایہ کاراں دے بحال تھیندے اعتماد دی عکاسی تھیندی پئی اے، وزیر خزانہ محمد اورنگزیب دا اے ڈی بی ولوں تقریب نال خطاب

اسلام آباد۔ 03 ستمبر (اے پی پی) وفاقی وزیر خزانہ تے محصولات سینیٹر محمد اورنگزیب آکھیا جو یوروبانڈز دے کامیاب اجراء نال کریڈٹ ریٹنگ دی بین الاقوامی ایجنسیاں، عالمی مالیاتی منڈیاں تے سرمایہ کاراں دے بحال تھیندے اعتماد دی عکاسی تھیندی پئی اے، ڈھانچہ جاتی اصلاحات پائیدار اقتصادی استحکام دے پندھ دا ایک اہم حصہ ہن، معاشی استحکام دے سفر اچ پاکستان ایشیائی ترقیاتی بینک دی امداد، حمایت تے معاونت تے شکر گزار اے۔ خمیس کوں اتھاں ایشیائی ترقیاتی بینک ولوں پاکستان اچ مالی پائیداریت کیتے ٹیکسیشن دے موضوع تے اعلیٰ سطح دے ڈائیلاگ تقریب نال خطاب کریندیں ہوئیں وفاقی وزیر خزانہ آکھیا جو پاکستان بین الاقوامی کیپٹل مارکیٹ اچ ݙو اقساط تے مشتمل 3 ارب ڈالر مالیت دے یوروبانڈز جاری کر ݙتن جیڑھا ملکی تاریخ اچ ہکی ٹرانزیکشن دے ذریعے بین الاقوامی سطح تے فنڈز کٹھا کرݨ دا سب توں وݙا ریکارڈ اے، اے کریڈٹ ریٹنگ دی ترائے بین الاقوامی ایجنسیاں ولوں پاکستان دی کریڈٹ ریٹنگ اچ بہتری دے بعد عالمی مالیاتی اداریاں تے سرمایہ کاراں ولوں پاکستان دی معیشت تے پائیدار معاشی اقدامات تے اعتماد دا مظہر اے۔ وزیر خزانہ آکھیا جو یوروبانڈز کیتے عالمی سرمایہ کاراں ولوں تقریباً 6 ارب ڈالر دی پیشکشاں موصول تھیاں جیڑھیاں جاری کیتے ڳئے بانڈز دی مالیت توں تقریباً ݙوہاڑے ودھ ہن، ایں توں علاوہ ٹرانزیکشن اچ دنیا دے مختلف خطیاں، ایشیاء، مشرقِ وسطیٰ، یورپ، امریکہ توں تعلق رکھݨ آلے متنوع ادارہ جاتی سرمایہ کاراں بھرپور دلچسپی دا اظہار کیتا، جیڑھا عالمی مالیاتی منڈیاں اچ پاکستان تے سرمایہ کاراں دے بحال تھیندے اعتماد دی اہم علامت اے۔