اسلام آباد۔ 03 ستمبر (اے پی پی) وزیر اعظم محمد شہباز شریف ٹریڈ فیسلی ٹیشن بورڈ دے قیام دی منظوری ݙے ݙتی ہے، بورڈ تجارت دے مکمل سپلائی چین اچ بہتری گھن آوݨ تے سرحد پار تجارت بارے تمام نان ٹیرف معاملیاں تے فیصلے کریسی اتے تجارت دے فروغ دے حوالے نال روڈ میپ، ٹریڈ فیسلی ٹیشن انڈیکس تے مانیٹرنگ دے حوالے نال حکمتِ عملی ترتیب ݙیسی۔ خمیس کوں وزیر …
وزیر اعظم ٹریڈ فیسلی ٹیشن بورڈ دے قیام دی منظوری ݙے ݙتی، ملکی بندرگاہواں دی استعدادِ کار اچ بہتری کیتے ورکنگ گروپس بݨاوݨ دی ہدایت
مزید خبراں
اسلام آباد۔ 03 ستمبر (اے پی پی) وزیر اعظم محمد شہباز شریف ٹریڈ فیسلی ٹیشن بورڈ دے قیام دی منظوری ݙے ݙتی ہے، بورڈ تجارت دے مکمل سپلائی چین اچ بہتری گھن آوݨ تے سرحد پار تجارت بارے تمام نان ٹیرف معاملیاں تے فیصلے کریسی اتے تجارت دے فروغ دے حوالے نال روڈ میپ، ٹریڈ فیسلی ٹیشن انڈیکس تے مانیٹرنگ دے حوالے نال حکمتِ عملی ترتیب ݙیسی۔ خمیس کوں وزیر اعظم آفس دے میڈیا ونگ توں جاری بیان دے مطابق وزیر اعظم محمد شہباز شریف دی صدارت تجارت اچ سہولتاں دی فراہمی دے حوالے نال اہم اجلاس تھیا۔ اجلاس اچ وزیر اعظم محمد شہباز شریف ٹریڈ فیسلی ٹیشن بورڈ دے قیام دی منظوری ݙے ݙتی۔ وزیر اعظم محمد شہباز شریف خود ٹریڈ فیسلی ٹیشن بورڈ دی صدارت کریسن۔ مجوزہ بورڈ تجارت دے مکمل سپلائی چین اچ بہتری گھن آوݨ تے سرحد پار تجارت نال متعلق تمام نان ٹیرف معاملیاں تے فیصلے کریسی۔ بورڈ تجارت دے فروغ دے حوالے نال روڈ میپ، ٹریڈ فیسلی ٹیشن انڈیکس تے مانیٹرنگ دے حوالے نال حکمتِ عملی ترتیب ݙیسی۔ وزیر اعظم ملک دی بندرگاہواں دی استعدادِ کار اچ بہتری کیتے ہنگامی بنیاداں تے کم کرݨ تے مختلف ورکنگ گروپس بݨاوݨ دی ہدایت کیتی۔ ورکنگ گروپس بندرگاہواں دی استعداد بہتر بݨاوݨ، متعلقہ شعبیاں وچال ہم آہنگی دے فروغ، ریگولیٹری فریم ورک دی تعمیل، پری ارائیول کلیئرنس تے بین الاقوامی تجارت اچ چھوٹے تے درمیانے درجے دے کاروباراں دی شمولیت بارے ہوسن۔ وزیر اعظم درآمد کنندگان تے برآمد کنندگان کیتے بندرگاہواں تے مال دی ترسیل، کلیئرنس تے ٻئے معاملیاں کوں سوکھا بݨاوݨ تے ودھ توں ودھ سہولتاں فراہم کرݨ دی وی ہدایت کیتی۔ اجلاس کوں ݙسایا ڳیا جو جاری اصلاحات دے تحت پورٹ چارجز اچ ڳھٹکی کیتی ڳئی اے ڄیندے بعد بندرگاہواں دے استعمال اچ نمایاں بہتری آئی اے، جہازاں دی آمد توں پہلے گڈز ڈیکلیریشن جمع کرواوݨ دی سہولت اچ مسلسل ودھارا تھیندا پئے۔ اجلاس اچ وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وفاقی وزیر اقتصادی امور احد خان چیمہ، وفاقی وزیر خزانہ تے محصولات محمد اورنگزیب، وفاقی وزیر بحری امور جنید انوار چوہدری، مشیرِ وزیر اعظم برائے صنعت ہارون اختر، وزیرِ مملکت برائے خزانہ تے ریلوے بلال اظہر کیانی تے متعلقہ اعلیٰ سرکاری افسراں شرکت کیتی۔
