اسلام آباد۔ 03 ستمبر(اے پی پی) وفاقی وزیر صحت مصطفیٰ کمال نال مالدیپ دے ہائی کمشنر ملاقات کیتی جیندے اچ پاکستان تے مالدیپ وچال صحت دے شعبے اچ ݙوپاسے تعاون، سانجھی دلچسپی دے امور تے تعاون دے نویں موقعیں تے ڳالھ مہاڑ کیتی ڳئی۔ وفاقی وزیر صحت مصطفیٰ کمال آکھیے جو پاکستان تے مالدیپ وچال پراݨے تے دوستانہ سفارتی تعلقات قائم ہن جنہاں کوں ٻیا تکڑا بݨاوݨ کیتے صحت …
وفاقی وزیر صحت مصطفیٰ کمال نال مالدیپ دے ہائی کمشنر دی ملاقات
اسلام آباد۔ 03 ستمبر(اے پی پی) وفاقی وزیر صحت مصطفیٰ کمال نال مالدیپ دے ہائی کمشنر ملاقات کیتی جیندے اچ پاکستان تے مالدیپ وچال صحت دے شعبے اچ ݙوپاسے تعاون، سانجھی دلچسپی دے امور تے تعاون دے نویں موقعیں تے ڳالھ مہاڑ کیتی ڳئی۔ وفاقی وزیر صحت مصطفیٰ کمال آکھیے جو پاکستان تے مالدیپ وچال پراݨے تے دوستانہ سفارتی تعلقات قائم ہن جنہاں کوں ٻیا تکڑا بݨاوݨ کیتے صحت دے شعبے اچ تعاون کوں وی وسعت ݙتی ونڄݨی چاہیدی اے۔ ملاقات اچ وزارتِ صحت تے مالدیپ ہائی کمیشن وچال صحت دے شعبے اچ جامع مفاہمتی یادداشت (ایم او یو) کوں حتمی شکل ݙیوݨ دا فیصلہ کیتا ڳئے۔ مجوزہ مفاہمتی یادداشت دے تحت صحت دے شعبے اچ تعاون کوں ٻیا مستحکم کیتا ویسی ڄݙاں جو ریگولیٹری نظام، طبی خدمات، میڈیکل ٹورازم تے صحت دے ٻئے اہم شعبے ایں تعاون دا حصہ ہوسن۔ مالدیپ دے ہائی کمشنر ݙسایا جو مالدیپ دے صدر دا اکتوبر 2026 اچ پاکستان دا دورہ متوقع اے۔ وفاقی وزیر صحت مصطفیٰ کمال آکھیے جو پاکستان ہیلتھ ٹورازم دے ودھارے کیتے پُرعزم اے، پاکستان تے مالدیپ صحت تے سیاحت کوں کٹھا کرتے ݙوہیں ملکاں دے عوام کیتے نویں موقع پیدا کرسڳدن۔
