اسلام آباد۔ 03 ستمبر (اے پی پی) وفاقی وزیر مذہبی امور سردار محمد یوسف آکھیے جو سیرتِ طیبہ اچ ساݙے سارے مسئلیں دا حل موجود اے، نوجواناں کوں علم تے اخلاق دی تکڑی بنیاد ݙیوݨ کیتے اساں کوں نبی پاک ﷺ دے اسوۂ حسنہ تے عمل کرݨا ہوسی۔ اتھاں سیرت کانفرنس نال خطاب کریندے انہاں آکھیا جو نوجوان نسل ساݙا قیمتی اثاثہ ہن، نوجواناں اچ برداشت، رواداری تے اخوت دے …
نوجواناں کوں علم تے اخلاق دی تکڑی بنیاد ݙیوݨ کیتے اساں کوں نبی پاک ﷺ دے اسوۂ حسنہ تے عمل کرݨا ہوسی، سردار محمد یوسف
اسلام آباد۔ 03 ستمبر (اے پی پی) وفاقی وزیر مذہبی امور سردار محمد یوسف آکھیے جو سیرتِ طیبہ اچ ساݙے سارے مسئلیں دا حل موجود اے، نوجواناں کوں علم تے اخلاق دی تکڑی بنیاد ݙیوݨ کیتے اساں کوں نبی پاک ﷺ دے اسوۂ حسنہ تے عمل کرݨا ہوسی۔ اتھاں سیرت کانفرنس نال خطاب کریندے انہاں آکھیا جو نوجوان نسل ساݙا قیمتی اثاثہ ہن، نوجواناں اچ برداشت، رواداری تے اخوت دے ودھارے دی لوڑھ اے، سیرتِ طیبہ اچ ساݙے سارے مسئلیں دا حل موجود اے، نوجواناں کوں سیرتِ طیبہ دی روشنی اچ علم تے اخلاق دی مضبوط بنیاد ݙیوݨی ہوسی، نوجواناں تے اعتماد کرتے انہاں کوں موقع ݙیوݨ یقینی بݨاوݨا ہوسی تے انہاں کوں اے آئی تے ٹیکنالوجی سودھے جدید علوم نال آراستہ کرݨا ہوسی۔ انہاں آکھیا جو سیرتِ طیبہ اساں کوں اخوت، دیانتداری تے رواداری دا درس ݙیندی اے، نبی پاک ؐ دے اسوۂ حسنہ توں اساں کوں انسانیت دے احترام دا درس ملدے۔ انہاں آکھیا جو خطے اچ امن کیتے وزیراعظم محمد شہباز شریف تے فیلڈ مارشل سید عاصم منیر دے کردار دی دنیا معترف اے، مکہ مشترکہ دفاعی معاہدے نال دنیا اچ امن دا رستہ ہموار تھیسی۔ انہاں آکھیا جو آؤ سارے رل تے عہد کروں جو ملکی ترقی تے نوجواناں دی بہتری کیتے رل تے اقدامات کریسوں۔
