وزیرِ اعظم شہباز شریف نال پمز اچ ٻھا لڳݨ ویلھے ٻال کوں بچاوݨ آلی نرس رضیہ نورین دی ملاقات، وزیر اعظم ہک کرور دا چیک ݙتے

اسلام آباد۔ 03 ستمبر(اے پی پی)وزیرِ اعظم محمد شہباز شریف پمز اچ ٻھا لڳݨ ویلھے اپݨی جان دا چنتا نا کریندے ٻال کوں بچاوݨ آلے نرس رضیہ نورین نال ملین اتے اوندی ہمت اتے جذبے دی تعریف کیتی۔ وزیرِ اعظم آکھیا جو نرس رضیہ نورین اپݨی جان تلی تے رکھ تے ڄیڑھی ہمت اتے عظیم مقصد کیتے ال دی جان بچائی، ایں نیکی دا تعالیٰ ٻہوں وݙا اجر ݙیسی، پوری قوم کوں انہاں تے ماݨ اے اتے اساں ایندی ہمت و بہادری دے معترف ہیں، ٻال دی ما وی ایں نرس کوں اپݨیاں دعائیں اچ ہمیش یاد رکھیسی۔ وزیرِ اعظم آکھیا جو عظیم مقصد کیتے اپݨی جان خطرے اچ پا تے نومولود دی جان بچاوݨ عظیم عمل اے، قوم دی دھی رضیہ نورین دا کارنامہ تاریخ اچ اُچیچا لکھیا ویسی، ایں کارنامے تے پوری قوم رضیہ نورین کوں خراجِ تحسین پیش کریندی اے۔ وزیرِ اعظم اعلان کیتا جو 23 مارچ کوں رضیہ نورین کوں انہاں دیاں خدمتاں تے تمغہِ خدمت ݙتا ویسی، ہک کروڑ روپے دا انعام صرف انہاں دی حوصلہ افزائی کیتے اے ڄیندی او حقدار وی اے۔ نرس رضیہ نورین وزیرِ اعظم کوں ٻال دی جان بچاوݨ اتے ٻھا لڳݨ دے واقعے بارے ݙسایا۔ انہاں حوصلہ افزائی تے وزیرِ اعظم دا شکریہ ادا کیتے۔ وزیرِ اعظم آکھیا جو پمز واقعہ ہک افسوسناک واقعہ اے، ایندے ذمہ داراں دے خلاف سخت کارروائی کیتی ویسی ڄݙاں جو وزارتِ صحت کوں پمز ہسپتال اچ سہولتاں دی بہتری اتے مسئلیاں دے حل کیتے ہدایات ݙتن۔

ایں موقع تے وزیرِ اعظم محمد شہباز شریف رضیہ نورین کوں ہک کروڑ روپے دا چیک ݙتا۔ وفاقی وزیرِ صحت مصطفیٰ کمال اتے وفاقی وزیرِ اطلاعات و نشریات عطاء اللہ تارڑ وی ایں موقع تے موجود ہن۔