یومِ دفاع و شہداء تے کشمیری نوجواناں دا شہداء تے غازیاں دیاں قربانیاں تے وطن نال وفاداری کوں سلام

اسلام آباد۔ 04 ستمبر(اے پی پی) یومِ دفاع و شہداء تے کشمیری نوجواناں شہداء تے غازیاں دیاں قربانیاں تے وطن نال وفاداری کوں سلام پیش کیتے۔ تفصیل موجب آزاد جموں و کشمیر دے نوجواناں وطن دی سلامتی، خودمختاری تے قومی اتحاد کیتے بھرپور کردار ادا کرݨ دے عزم دا اعادہ کیتے۔ آزاد جموں و کشمیر دے نوجواناں شہداء تے غازیاں کوں خراجِ تحسین پیش کریندے آکھیا جو تعلیم، کردار، نظم و ضبط تے قومی اتحاد دے ذریعے دشمن دے گمراہ کن پروپیگنڈے دا مقابلہ کریسوں۔ انہاں آکھیا جو ستمبر 1965ء اچ لاہور توں چونڈہ تئیں قوم تے مسلح افواج بے مثال بہادری دا مظاہرہ کیتا، میجر راجہ عزیز بھٹی شہید سودھے سارے شہداء دیاں قربانیاں نویں نسل کیتے مشعلِ راہ ہن، 1965ء دی جنگ اچ کشمیر دے محاذ تے پاک فوج دے جواناں بے مثال بہادری دا مظاہرہ کیتا۔ انہاں آکھیا جو بھارتی پراکسیاں تے فتنہ پرورعناصر دے خلاف لڑݨ آلے جواناں کوں سلام پیش کریندوں، معرکہِ حق ثابت کیتا جو پاکستان اپݨی خودمختاری تے دفاع تے کہیں دٻاؤ کوں قبول نی کریندا، پاکستان، سعودی عرب تے ترکیہ دا مکہ مشترکہ دفاعی معاہدہ سانجھی سلامتی دے عزم  کوں ظاہر کریندے، کشمیری نوجواناں دشمن دے گمراہ کن پروپیگنڈے دا بھرپورمقابلہ کرݨ تے قومی اتحاد کوں ٻئیا تکڑا بݨاوݨ دے عزم دا وی اعادہ کیتا۔