ملک اچ سونے دی قیمت اچ فی تولہ 3,900 روپے ودھارا

اسلام آباد۔ 04 ستمبر (اے پی پی) ملک اچ سونے دی قیمت اچ 3,900 روپے ودھارے دے نال فی تولہ سونا 4 لکھ 69 ہزار 1 سو 36 روپے دا تھی ڳئے۔ آل پاکستان جیمز اینڈ جیولرز ایسوسی ایشن موجب سونے دی فی تولہ قیمت اچ 3,900 روپے ودھارے دے بعد فی تولہ سونا 4 لکھ 69 ہزار 1 سو 36 روپے دا تھی ڳئے۔ 24 قیراط سونے دے 10 گرام دی قیمت وی 3,344 روپے ودھارے دے بعد 398,864 روپے توں ودھ تے 402,208 روپے تھی ڳئی اے ڄݙاں جو 10 گرام 22 قیراط سونے دی قیمت 365,638 روپے توں ودھ تے 368,704 روپے تھی ڳئی اے۔ آل سندھ صرافہ جیولرز ایسوسی ایشن رپورٹ کیتا جو فی تولہ چاندی دی قیمت اچ 117 روپے ودھارے دے بعد 7,161 روپے تے ݙاہ گرام چاندی دی قیمت 100 روپے ودھارے دے بعد 6,139 روپے تھی ڳئی اے۔ ایسوسی ایشن رپورٹ کیتے جو بین الاقوامی مارکیٹ اچ سونے دی قیمت 4,427 ڈالر توں ودھ تے 4,466 ڈالر تھی ڳئی اے۔