اسلام آباد۔ 04 ستمبر(اے پی پی)پاکستان دی جونیئر ویمن ہاکی ٹیم اے ایچ ایف جونیئر ایشیا کپ 2026ء اچ چیلنجر پول دے افتتاحی میچ اچ ہانگ کانگ چائنا کوں ݙو صفر توں ہر ݙتے۔ پاکستان دی کامیابی اچ قومی کھݙاری شارقہ اہم کردار ادا کیتے اتے ݙوہائیں گول سکور کیتن۔ چین دے شہر موقی اچ کھیݙے ڳئے میچ اچ پاکستان شروع توں ہی جارحانہ انداز اپنایا اتے ہانگ کانگ چائنا …
جونیئر ایشیا کپ: پاکستانی ویمن ہاکی ٹیم پہلے میچ اچ ہانگ کانگ کوں ہرا ݙتے
اسلام آباد۔ 04 ستمبر(اے پی پی)پاکستان دی جونیئر ویمن ہاکی ٹیم اے ایچ ایف جونیئر ایشیا کپ 2026ء اچ چیلنجر پول دے افتتاحی میچ اچ ہانگ کانگ چائنا کوں ݙو صفر توں ہر ݙتے۔ پاکستان دی کامیابی اچ قومی کھݙاری شارقہ اہم کردار ادا کیتے اتے ݙوہائیں گول سکور کیتن۔ چین دے شہر موقی اچ کھیݙے ڳئے میچ اچ پاکستان شروع توں ہی جارحانہ انداز اپنایا اتے ہانگ کانگ چائنا دے گول تے مسلسل حملے کیتے۔ پاکستان کوں پہلی کامیابی 34 ویں منٹ اچ ملی، ڄݙاں شارقہ شاندار فیلڈ گول کر تے ٹیم کوں ہک صفر دی وتھی ݙیوائی۔ ول شارقہ 48 ویں منٹ اچ ہک ٻیا گول کر تے پاکستان دی وتھی ݙو صفر تئین پچا ݙتی جیڑھی چھیکڑ تئیں جاری رہی اتے پاکستان جونیئر ویمن ہاکی ٹیم چیلنجر پول دا اپݨاے پہلے میچ جیت تے ایونٹ دا فاتحانہ آغاز کیتے۔
