وفاقی وزیرِ تجارت دا ہانگ کانگ جنرل چیمبر آف کامرس دا دورہ، پاکستانی تارکینِ وطن نال ملاقات

ہانگ کانگ۔ 13 ستمبر (اے پی پی) وفاقی وزیرِ تجارت جام کمال خان ہانگ کانگ جنرل چیمبر آف کامرس دا دورہ کیتا، چیمبر دے چیئرمین تے نمایاں کاروباری نمائندیاں نال ملاقات کیتی اتے ݙوہائیں ملکاں دے درمیان کاروباری سطح تے مضبوط روابط، تجارت، سرمایہ کاری تے اقتصادی تعاون ودھاوݨ تے ڳالھ مہاڑ کیتی۔وزارتِ تجارت دے مطابق دورے دے دوران انہاں ہانگ کانگ اچ مقیم پاکستانی برادری دے اہم ارکان نال وی ملاقاتاں کیتیاں۔ 1861ء اچ قائم تھئی تھیوݨ آلا ہانگ کانگ جنرل چیمبر آف کامرس، ہانگ کانگ دا قدیم ترین کاروباری ادارہ (چیمبر) اے۔ ملاقات دے دوران وفاقی وزیرِ تجارت چیمبر دی قیادت دے نال پاکستان تے ہانگ کانگ دی کاروباری برادریاں دے درمیان براہِ راست روابط کوں وسعت ݙیوݨ دے حوالے نال ڳالھ مہاڑ کیتی۔ ملاقات اچ ایں ڳالھ تے روشنی پاتی ڳئی جو پاکستان، ہانگ کانگ دی خذمتاں دے شعبے (سروسز سیکٹر) خاص طور تے مالیات، ہوا بازی تے ڈیجیٹل ٹیکنالوجی اچ مہارت توں کینویں فیدہ چا سڳدے ۔فریقین باہمی تعاون کوں فروغ ݙیوݨ، رابطیاں کوں مضبوط بݨاوݨ تے ٹرانزٹ روٹس (آوݨ ونڄݨ دے رستیاں) دی ترقی کیتے “بیلٹ اینڈ روڈ انیشی ایٹو” (Belt and Road Initiative) دی اہمیت تے وی زور ݙتا۔