ایشین گیمز: پاکستان ویمنز بنگلا دیش کوں ہر تے کانسی دا تمغہ ڄت ڳھدے

ناگویا۔۔22 ستمبر(اے پی پی)پاکستان ویمنز کرکٹ ٹیم ایشین گیمز 2026 دے تریجھی پوزیشن دے میچ اچ بنگلا دیش کوں 31 رنز توں ہرا تے کانسی دا تمغہ ڄت ڳھدے۔ کوروجی اسپورٹس پارک نیشن اچ کھیݙے ڳئے برونز میڈل میچ اچ پاکستان ٹاس ڄت تے پہلے بیٹنگ دا فیصلہ کیتا اتے مقررہ 20 اووراں اچ 8 وکٹاں دے نقصان تے 145 رنز بݨائے۔ پاکستان ولوں اوپننگ بیٹر گل فیروزہ 31 رنز ٻݨائے۔ کپتان فاطمہ ثناء شاندار بیٹنگ کریندے ہوئیں 30 ڳینداں تے 3 چوکے اتے 3 چھکے لا تے 45 رنز اسکور کیتے۔ بنگلا دیش دی ناہیدہ اختر، شورنا اختر اتے رتو مونی 2 ، 2 وکٹاں ڳھدن ڄݙاں جو سنجیدہ اختر ہک وکٹ ڳھدی۔ بنگلادیشی ٹیم 146 رنز دے ہدف دے تعاقب اچ 20 اووراں اچ 7 وکٹاں دے نقصان تے 114 رنز بݨا سڳی۔ پاکستان ولوں امِ ہانی 3 وکٹاں ڳھدن۔ فاطمہ ثناء، تسمیہ رباب، نشرا سندھو اتے عائشہ ظفر ہک ہک وکٹ ڳھدی۔ پاکستان ایں توں پہلے سیمی فائنل اچ سری لنکا توں ہر ڳیا ہا۔ ایونٹ دا فائنل میچ اڄ سری لنکا اتے بھارت دیاں ٹیماں وچال کھیݙیا ویسی۔