ٹریژری بلز دی نیلامی توں 853 ارب روپے، ہائبرڈ سکوک دی نیلامی توں 116 ارب روپے ملین

اسلام آباد۔30 ستمبر(اے پی پی)حکومت ٹریژری بلز دی نیلامی توں 853 ارب روپے حاصل کر گھدن۔ سٹیٹ بینک دے مطابق نیلامی کیتے مجموعی طور تے 2726 ارب روپے دیاں ٻولیاں آئن۔ نیلامی توں 700 ارب روپے حاصل کرݨ دا ہدف رکھیا ڳیا ہئی، مختلف مدت دے بلاں تے منافع دی شرح اچ 49 توں 75 بیسز پوائنٹس دا ودھارا تھئے۔ سٹیٹ بینک دے مطابق حکومتِ پاکستان دے ہائبرڈ سکوک دی نیلامی توں 116 ارب روپے ملین ڄݙاں جو 300 ارب روپے دا ہدف مقرر کیتا ڳیا ہئی، سکوک دی نیلامی کیتے مجموعی طور تے 568 ارب روپے دیاں بولیاں موصول تھئین۔