اسلام آباد۔14 اکتوبر(اے پی پی)وفاقی وزیر برائے قومی غذائی تحفظ و تحقیق رانا تنویر حسین دی اڳواݨی اچ کݨک دے بیج دیاں قیمتاں اتے بین الصوبائی ترسیل بارے جائزہ اجلاس تھئے جیندے اچ نجی بیج کمپنیاں اتے نیشنل سیڈ ڈیویلپمنٹ اینڈ ریگولیٹری اتھارٹی (این ایس ڈی آر اے) دے نمائندیاں شرکت کیتی۔ وفاقی وزیر آکھیا جو کݨک دے بیج دیاں قیمتاں کساناں دی پَھر دے مطابق ہووݨیاں چاہیدن، نجی بیج …
وفاقی وزیرِ قومی غذائی تحفظ و تحقیق رانا تنویر حسین دی اڳواݨی اچ کݨک دے بیج دیاں قیمتاں اتے بین الصوبائی ترسیل بارے جائزہ اجلاس
اسلام آباد۔14 اکتوبر(اے پی پی)وفاقی وزیر برائے قومی غذائی تحفظ و تحقیق رانا تنویر حسین دی اڳواݨی اچ کݨک دے بیج دیاں قیمتاں اتے بین الصوبائی ترسیل بارے جائزہ اجلاس تھئے جیندے اچ نجی بیج کمپنیاں اتے نیشنل سیڈ ڈیویلپمنٹ اینڈ ریگولیٹری اتھارٹی (این ایس ڈی آر اے) دے نمائندیاں شرکت کیتی۔ وفاقی وزیر آکھیا جو کݨک دے بیج دیاں قیمتاں کساناں دی پَھر دے مطابق ہووݨیاں چاہیدن، نجی بیج کمپنیاں قیمتاں ڳھٹاون تاں جو چھوٹے کساناں اوکھ توں بچ سڳن اتے ویلھے تے معیاری بیج ملے۔ وفاقی وزیر آکھیا جو کݨک دی ویلھے تے بجائی کیتے معیاری بیج دا مناسب ملھ تے ملݨ ضروری اے، این ایس ڈی آر اے صوبیاں وچال کݨک دے بیج دی نقل و حرکت سوکھی ٻݨاوے اتے ترسیل کیتے رکاوٹاں دور کرݨ دے مؤثر اقدامات کرے۔ انہاں زور ݙتے جو کساناں کوں بیج دیاں مختلف قسماں، تصدیق، وزن اتے قیمت بارے واضح اتے مستند معلومات ݙتیاں ونڄن جو او لوڑھ دے مطابق بہتر بیج دا چݨائو کر سڳن، ایندے نال وادھو پیداوار آسی اتے کسان تے زراعت ݙوہیں ترقی کریسن۔
