پاکستان دا اقوام متحدہ دے پیس بلڈنگ کمیشن کوں مزید پکا بنڑاونڑ دا مطالبہ کمیشن کوں فنڈنگ دے حوالے نال غیر یقینی صورت حال دا سامنڑاں ہے ،ڈاکٹر ملیحہ لودھی دا جنرل اسمبلی دے اجلاس اچ خیالاں دااظہار

اقوام متحدہ ۔ 29 اپریل (اے پی پی) پاکستان اقوام متحدہ دے31 رکنی پیس بلڈنگ کمیشن کو ںمزید مضبوط بناونڑ دا مطالبہ کریندے ہوئیں آکھیا اے جو بین الحکومتی ادارہ جنگاں توںمتاثر علاقیاں اچ رہنڑ آلے لوکاں دیاں زندگیاں چنگیاںبنڑاونڑ اچ اہم کردار ادا کریندا ہے ۔ اقوام متحدہ اچ پاکستان دی مستقل مندوب ڈاکٹر ملیحہ لودھی جنرل اسمبلی اچ کمیشن دیاں سرگرمیاں تے بحث دے دوران خیالاں دا اظہار کریندے ہوئیں آکھیا جو امن دے قیام دیاں سرگرمیاں متاثرہ علاقیاں اچ حقیقی نتیجے پیدا کریندیاںہن ۔رکن ملکاںکوںکمیشن دی کاکردگی کوں مزید چنگاں بنڑاونڑ اچ چنگاں کردار ادا کرنڑاں چاہیدے ۔تاں جو اے اقوام متحدہ دے بئے اداریں کوں مشاورت وی ڈے سگے ۔پوری دنیا اچ اقوم متحدہ دے امن مشن سانگے افرادی قوت فراہم کرنڑ آلے ہک وڈے ملک دی حیثیت نال پاکستان ایں کمیشن داے کم دا براہ راست مشاہدہ کریندا ہے اتے ایندا تجربہ ہے جو امن دے قیام سانگے طریق کار اتے ایں ایجنڈے تے پیش رفت نہ صر ف ضروری بلکہ ناگزیر ہے ۔گنی، لائبیریا اتے سرالیون اچ ایبولا وائرس دے بحران دے دوران کمیشن اپنڑاں چنگاں کردار ادا نہ کر سگیا جیں توں سبق حاصل کرنڑ دی ضرورت ہے ۔پاکستانی مندوب آکھیا جو کمیشن کوں فنڈنگ دے حوالے نال غیر یقینی صورت حال دا سامنڑاںہے جیرھا جو ایندے چنگے کردار ادا نہ کرنڑ دی ہک وڈی وجہ ہے ۔ پاکستانی مندوب ایں امید دا اظہار کیتا جو جنرل اسمبلی ولوں کاکردگی دے جائزے دے نتیجے اچ پیش بلڈنگ کمیشن کوں زیادہ موثر بنڑایا ونجے۔