آٹوا ۔ 16 اگست (اے پی پی) کینیڈا دے وزیراعظم جسٹن ٹروڈو پاکستان دے آزادی دے ڈینھ دے حوالے نال اپنڑے تہنیتی پیغام اچ آکھیے جو او یوم آزادی دیاں خوشیاں اچ پاکستان دے عوام اتے کینیڈا اچ مقیم پاکستانیاں دیاں خوشیاں اچ رلے ہن ۔کینیڈا انہاں ملکاں اچ شامل ہے جنہاں پاکستان دے قیام دے بعد ساریں توں پہلے پاکستان نال سفارتی تعلقات قائم کیتے۔ ڈوہیں ملکاں دے عوام دے رابطے ہن۔ او علاقے جو اب پاکستان اچ شامل ہن ،دے رہنڑ آلے تقریباً ہک صدی پہلے کینیڈا آئے اتے ہنڑ اساڈے سانجھے رابطے مزید ودھ گن۔موجودہ دور اچ ڈوہیں ملک ماحولیاتی تبدیلیاں، سلامتی ، دفاع، ترقی وخوشحالی، تجارت اتے سرمایہ کاری ، گورننس اتے جمہوریت سمیت بہوں سارے قومی تے علاقائی امور تے رلے کم کریندے پن ۔
