وفاقی وزیر منصوبہ بندی تے ترقی احسن اقبال دی ڈبلیو ٹی اودے ڈائریکٹر جنرل روبرٹو ایزی ویدونال ملاقات

اسلام آباد ۔ 2 مئی (اے پی پی) وفاقی وزیر منصوبہ بندی تے ترقی احسن اقبال آکھیا اے جو پاکستان علاقائی ملکاں دے نال پکے تعلقات چاہندے ۔انہاں ان خیالاں دا اظہار سنوار کوں ڈبلیو ٹی او دے ڈائریکٹر جنرل روبرٹو ایزی ویدو نال گالھ مہاڑ کریندے ہوئیں کیتا ،ایں موقع تے وزیر تجارت خرم دستگیر خان وی موجود ہن ۔انہاں آکھیا جو زرعی شعبے دا اقتصادی ترقی اچ اہم کردار ہے ۔پاکستان ڈبلیو ٹی او دے ذریعے عالمی تجارت اچ اہم کردار ادا کریندا پئے ۔تجارت اچ تریمتاں دے کردار دے حوالے نال انہاں آکھیا جو پاکستان تریمتاں تجارت اتے صنعت دے شعبے اچ اپنڑی اہمیت منویندیاں پن ۔احسن اقبال آکھیا جو وژن 2025دا مقصد ملک دی پکی مستحکم ترقی سانگے جامع حکمت عملی تیار کرنڑ ہے ۔انہاں وژن 2025دے تحت کامیاب اقتصادی تے تجارتی پالیسیاں دی روشنی اچ 2025تئیں باہرلی تجارت دا حجم 150ارب ڈالر تئیں ودھاونڑ دے طریقے تے گالھ مہاڑ کیتی ۔انہاں ڈسایا جو موجودہ حکومت چین پاکستان اقتصادی راہداری دے منصوبے دی وجہ توں بہوں وختی توانائی دے بحران تے قابو پا گھنسی ۔