ابوظہبی۔ 17 نومبر (اے پی پی) ابوضہبی اچ کھیڈیے ونجنڑ آلے پہلے ٹیسٹ میچ اچ پاکستانی ٹیم پہلی اننگز اچ 227 رنز تے آﺅٹ تھی گئی، بابر اعظم دے62 رنز، بولٹ دیاں 4 وکٹاں، نیوزی لینڈ ڈوجھی اننگز اچ ہک وکٹ تے 56 رنزبنڑا گھدے، کیویز کوں گرین شرٹس دی پہلی اننگزدا خسارہ پورا کرنڑ کیتے بئے 18 رنزدی لوڑھ، ولیمسن 27 اتے راول 26 رنزنال وکٹ تے موجود ہین۔نیوزی لینڈ ڈوجھے ڈینہہ کھیڈ مکنڑ تئیں اپنڑی ڈوجھی اننگ اچ ہک وکٹ تے 56 رنزبنڑا گھدن،نیوزی لینڈ کوں وتھی مکاونڑ کیتے 18 رنزلوڑھ ہین جڈاں جو کپتان کین ولیمسن 27 اتے راول 26 رنز نال کھیددے پین۔کلہی وکٹ حسن علی گھدی انہاں ٹام لیتھم کوں پویلئن بھیجے۔ڈوجھے ڈینہہ پہلی اننگ اچ پاکستانی ٹیم 59 رنز 2 کھلاڑی آﺅٹ تے اننگ شروع کیتی۔حارث سہیل 38 رنزبنڑا تے آو ¿ٹ تھئے۔ایں موقع تے بابر اعظم اتے اسد شفیق نال رل تے 83 رنزجوڑین۔اسد شفیق 43 رنز، کپتان سرفراز احمد 2 رنز، بلال آصف 11، یاسر شاہ 9 اتے حسن علی 4 رنز تے آﺅٹ تھئے۔ 227دکے سکورتے بابر اعظم 62 رنزتے کیچ آﺅٹ تھین۔گرین شرٹس کوں کیویز تے 74 رنز دی برتری ملی۔ بولٹ 4، گرینڈ ہوم اتے اعجاز پٹیل 2، 2 ، واگنر اتے سودھی ہک ہک وکٹ گھدی۔
