وزیر آباد وچ تیار کیتیاں گئیاں کٹلری مصنوعات عالمی معیار دے مطابق ہن، ”یونیڈو“ دی رپورٹ

اسلام آباد ۔ 3 مئی (اے پی پی) پاکستان وچ سینکڑاں چھوٹے اتے وچلے درجے دے کاروباری ادارے کٹلری دیاں مصنوعات تیار کریندے پئے ہن۔ وزیر آباد کوں ”سٹی آف کٹلری “ دا اعزاز حاصل ہے صرف وزیر آباد وچ 500 توں ودھ ادارے کٹلری مصنوعات تیار کریندے ہن۔ اقوام متحدہ دے صنعتی ترقی دے ادارے ”یونیڈو“ دی رپورٹ مطابق وزیر آباد وچ بنڑن آلیاں مصنوعات عالمی معیار دے مطابق ہن جیہڑیاں پوری دنیا دے ملکاں کوں برآمد کیتیاں ویندیاں پن ،کٹلری دی ملکی مصنوعات دی برآمدات دا حجم 90 ملین ڈالر ہے جڈانجو کٹلری داشعبہ وزیر آباد دے 25 ہزار توں ودھ مقامی لوکاں کوں روز گار فراہم کریندا پئے۔