لاہور۔14 دسمبر(اے پی پی )پاکستان کرکٹ بورڈ (پی سی بی) پاکستان سپر لیگ دے چوتھے ایڈیشن دے شیڈول دا اعلان کرڈتے جیندے اچ 34میچ تھیسن،میچز آندے سال چوڈاں فروری توں شروع تھیسن، لیگ اچ چھی ٹیماں لاہور قلندر، کراچی کنگز، کوئٹہ گلیڈی ایٹرز، پشاور زلمی، اسلام آباد یونائیٹڈ اتے چھیویں ٹیم ( سابقہ ملتان سلطانز) حصہ گھنسن، لیگ راﺅنڈ روبن فارمیٹ دے تحت تھیسن۔ پاکستان سپر لیگ دا افتتاحی میچ 14فروری کوںدفاعی چیمپئن اسلام آباد یونائیٹڈ اتے پی ایس ایل دی چھیویں ٹیم وچال تھیسی۔نیشنل سٹیڈیم کراچی اچ پہلا میچ 7 مارچ کوں کراچی کنگز اتے پشاور زلمی دافلڈ لائٹس اچ تھیسی۔ لاہوراچ پہلامیچ 9 مارچ کوں لاہور قلندر اتے پی ایس ایل دی چھیویں ٹیم دا تھیسی۔پاکستان اچ اٹھ میچ، دبئی انٹرنیشنل سٹیڈیم اچ 14، شیخ زید سٹیڈیم ابوظہبی اچ چار میچ تھیسن۔کوئی وی ٹیم ہر ٹیم نال ڈو ڈو میچ کھیڈسی۔ پاکستان سپر لیگ دی چھیویں ٹیم دانیلامی 19دسمبرتئیں تھی ویسی۔
