اسلام آباد ۔ 3 مئی (اے پی پی) گزریل سال 2015ءدے دوران موبائل اتے فکسڈ فونز نال 393.5 ارب منٹس دیاں کالز کیتیاں گئیاں ہن جڈانجو سال 2014ءدے دوران 345.7 منٹس دیاں کالاں کیتیاں گئیاں تھیں ایویں ای سال 2014ءدے مقابلے وچ گزریل سال دے دوران موبائل اتے فکسڈ لائن فونز دے ذریعے کیتیاں گئیاں کالز دے دورانیے دی شرح وچ 47.8 ارب منٹس دا ودھاراتھیا ہے۔ پاکستان ٹیلی کمیونیکیشن اتھارٹی (پی ٹی اے) دی رپورٹ دے مطابق ٹیلی فونز کالز دی شرح وچ ودھارے دی وجہ ملک وچ موبائل فونز دیاں سروسز فراہم کرنےڑ آلیاں کمپنیاں وچال مقابلہ اتے صارفین کوں ودھ توں ودھ سہولتاں سانگے کیتے گئے اقدامات ہن۔ رپورٹ دے مطابق گزریل سال دے دوران ہر مہینے فی صارف ولوں کیتیاں گئیاں کالز دے دورانیے وچ وی 19.2 فیصد ودھارا ریکارڈ کیتا گیا ہے۔ جیہڑا سال 2014ءوچ 219 منٹس فی صارف مہینے نال سال 2015ءدے دوران 261 منٹس فی صارف مہینہ تائیں ودھ گیا ہے۔
