اسلام آباد ۔ 2 مارچ (اے پی پی) اقوام متحدہ دے سیکرٹری جنرل انٹونیو گوئتریس پاکستان ولوں بھارتی فضائیہ دے ہواباز ونگ کمانڈر ابھی نندن دی رہائی داخیرمقدم کریندے آکھیے جو امید اے کہ ڈوہیں ملک امن کیتے پیش قدمی جاری رکھیسن۔ اقوام متحدہ دے سیکرٹری جنرل دے ترجمان دے مطابق اقوام متحدہ دا دفتر بھارتی پائلٹ دی رہائی کوں چنگاں سمجھیندے، سیکرٹری جنرل ڈوہاں ملکاں کوں آکھیے جو او مذاکرات کیتے تعمیری اقدامات کرن اتے خطے اچ من و استحکام سانگے آپس دے جھیڑے اتے مسلے نمٹاونڑ کیتے مل بہہ تے گالھ مہار کرن، ایں سانگے اقوام متحدہ وی کشیدگی گھٹاونڑ کیتے تریاکل دا کردار ادا کرنڑ توں تیار اے۔
