اسٹاک ہوم ۔ 13 مارچ (اے پی پی)سویڈش تھنک ٹینک اسٹاک ہوم انٹرنیشنل پیس ریسرچ انسٹی ٹیوٹ 2018ءاچ اسلحے دی تجارت بارے اپنڑی تازہ رپورت اچ آکھیے جو گذریل سال امریکا سب توں ودھ ہتھیار ویچن۔ 2018ءاچ مشرق وسطی دے ملکاں کیتے امریکی ہتھیاراں دی فروخت ودھی ہئی، امریکا مشرق وسطی دے ملکاں کوں جتنے ہتھیار2014ءتوں 2018ءتئیں دے سالاں اچ ویچئے ہن ایں توں ادھے ہتھیاراوں صرف ہک سال یعنی2018ءاچ ہی انہائیں ملکاں کوں ویچ ڈتن۔2014ءتوں 2018ءاچ سعودی عرب، متحدہ عرب امارات اتے آسٹریلیا سب توں ودھ ہتھیار گھدن۔اسٹاک ہوم انٹرنیشنل پیس ریسرچ انسٹی ٹیوٹ موجب اسرائیل وی سب توں ودھ ہتھیار ویچنڑ آلی حکومتاں اچ اآ گئے جیں سب توں ودھ ہتھیار بھارت، ویتنام اتے جمہوریہ آذربائیجان کوں ویچن۔
