لندن ۔ 26 مارچ (اے پی پی) بریگزٹ معاملے تے برطانوی اراکان پارلیمنٹ بریگزٹ دا اختیار وزیراعظم تھریسامے توں کھس گھدے ۔عالمی ذرائع ابلاغ دے مطابق بریگزٹ تے تھریسا مے دی حکومت کوں ہک بئی ناکامی دا سامنڑاں کرنڑاں پئے گے ،دارالعوام اچ پیش قرار داد تے حکومت کوں 302 دے مقابلے اچ 329 ووٹاں توں ناکامی دا سامنڑاں کرنڑاں پیا جیں اچ 30 ٹوری ارکان وزیراعظم تھریسامے نال بغاوت کیتی۔بغاوت اچ شامل ترائے وزیر مستعفی وی تھی گن جیں اچ وزیر توانائی رچرڈہیرنگٹن، دفترخارجہ متعلق امور دے وزیر ایلسٹربرٹ اتے وزیر صحت سٹیوبرائن شامل ہن۔
