اسلام آباد ۔ 29 مارچ(اے پی پی)اسرائیل اچ حضرت لوط دے دور دی لونڑ دی کانڑ دریافت تھئی اے۔اسرائیل دے ماہرین موجب لونڑ دی اے کانڑ پورے جگ اچ لونڑ دا سب توں لمبی گور اے،بحیرہ مردار دے ساحل دے نیڑے اے کانڑ غارِ ملہم دے اندرو جیہرے رستے نکلدن انہاں دی کل لمبائی ڈاہ کلومیٹر اے، اے غار اوں جاہ تے دریافت تھئی اے جیندے بارے انجیل آکھیا گئے جو اِتھاں حضرت لوط دی زال کوں لونڑ دے ہک منارے اچ تبدیل کر دتا گیا ہا۔ڈاہ سال توں کم کرنڑ آلے ماہرین موجب اگو تے ونج تے امکان اے جو بارشاں نال اے غار بئی لمبی تھی ونجے،کیوں جو مینہہ دا پانڑی غار دے اتے دراڑاں اچوں اندرو ویندے جیندے نال لونڑ وھے ویسی اتے غار اچ بئے رستے بنڑ ویسن جیندے توں نمکین پانڑی بحیرہ مردار دو واھندا راہسی۔غار ملہم اصل اچ کوہِ سدوم دا حصہ اے جیہڑا اسرائیل دا سب توں وڈا پہاڑ اے ،اے غار پہلی و اری 1980دے ڈھاکے اچ ملیا ہا۔
