ریاض ۔ 3 اپریل (اے پی پی) سعودی محکمہ شماریات اعلان کیتے جو 2018ءاچ 10لکھ غیر ملکی سعودی لیبر مارکیٹ توں نکل گین۔2018ءمکنڑ تے سرکاری و نجی اداریاں اچ غیر ملکی کارکنان دی تعداد 94لکھ 29ہزارریکارڈ کیتی گئی جیہڑی 2017ءاچ ہک کروڑ 4لکھ 17ہزار ہئی۔ہک سال اچ سعودی لیبر مارکیٹ چھوڑن آلے غیر ملکی ملازمین دی تعداد 9 لکھ88 ہزار رہی۔محکمہ شماریات موجب 2018ءاچ سرکاری و نجی اداریاں اچ سعودیوںدی مجموعی تعداد 31لکھ 11ہزارہئی،ایں دوران لیبر مارکیٹ توں 52 ہزار سعودی ملازم نکل گین اتے 2018ءمکنڑ تے ملازمت گولنڑ آلے سعودیاں دی تعداد 9 لکھ 70 ہزار200 تھی گئی اے۔ سعودی محکمہ شماریات لیبر مارکیٹ اچ تبدیلیاں بارے ہر 3مہینے بعد خصوصی رپورٹ جاری کریندے۔
