استنبول ۔ 5 اپریل (اے پی پی) ترکی دے شہراستنبول اچ آٹو انڈسٹری دی عالمی نمائش”آٹومیکینکا “جاری اے جیندے اچ پاکستان دے آٹوپارٹس بنڑاونڑ آلے برآمد کنندگان وی شریک ہین۔ استنبول اچ پاکستانی قونصلرخانہ دے ونڈارے نال ٹریڈ ڈولپمنٹ اتھارٹی ایں نویکلی نمائش اچ ”ابھردا پاکستان“دے ناں توں پاکستانی پویلین قائم کرڈتے۔ نمائش اچ پاکستان دی آٹوپارٹس، ٹائرز، ٹریکٹرپارٹس اتے آلات بناونڑ آلیاں کمپنیاں شامل ہین۔نمائش اچ 40 ملکاں توں 1300 کمپنیاں، فرمز اتے اداریاں دے سٹالز لائے گین۔پاکستان پہلے ترکی کوں سائیکل، موٹربائیک ٹائرز، ٹریکٹرز اتے بئے آٹوپارٹس برآمدکریندا پئے، امکان اے جو ایں سال پاکستان توں ترکی کوں آٹوپارٹس دی برآمدات دا حجم 5 ملین ڈالرتون ودھ ویسی۔ اے نمائش 7 اپریل کوں مکسی۔
