اسلام آباد ۔ 8 اپریل (اے پی پی)پوری دنیا اچ صحت دیاں سہولتاں دے مرکز اچ پانڑیں دی گھٹکی پاروں ڈو ارب لوک متاثر تھیندے پن ۔ عالمی ادارہ صحت (ڈبلیو ایچ او) دی رپورٹ دے مطابق غریب ملکاں اچ صحت دے ادھے مرکز اچ صفائی کیتے پانڑیں جیہوجاں بنیادی سہولتاں دی دستیاب کائنی جڈاں جودستیاب پانڑیں نومولود بالاں تے ماواں کیتے کئی بیماریاں دا سبب اے ۔ رپورٹ دے مطابق پوری دنیا اچ سالانہ 10لکھ موت دا سبب بالاں دی پیدائش دے دوران صفائی دیاں سہولتاں دی عدم دستیابی تے ایں طرح دے صحت دے مرکز اچ آونڑ آلے مریضاں دی 15 فیصد تعداد پانڑیں دی گھٹکی تے صفائی دے ناقص انتظامات دی وجہ توں انفیکشن اچ مبتلا تھی ویندن۔ رپورٹ اچ ہسپتالاں کوں صحت دے مرکز دی بجائے انفیکشن تے بیماریاں پیدا کرنڑآلیاں جہیں قرار ڈتا گے ۔ ڈبلیو ایچ او دے مطابق پوری دنیا اچ صحت دیاں سہولتان دے مرکز تے900 ملین لوکاں کوں پانڑیں دستیاب کائنی یا او غیر محفوظ پانڑیں استعمال کرنڑ تے مجبور ہن ۔ایں طرح ہر پنج اچوں صحت دے ہک مرکز تے ٹائلٹ دی سہولت دستیاب نہ ہوونڑ پاروں پوری دنیا اچ 1.5 ارب لوک متاثر تھیندے پن ۔
