نو مہینے دے دوران گوشت اتے ایندی مصنوعات دی برآمدات وچ 16.76 فیصد ودھارا

اسلام آباد ۔ 4 مئی (اے پی پی) جاری مالی سال 2015-16ءدے پہلے نو مہینے دے دوران گوشت اتے ایندی مصنوعات دی ملکی برآمدات وچ 16.76 فیصد دا ودھارا تھیا ہے۔ ادارہ برائے شماریات پاکستان (پی بی ایس) دے اعداو شمار مطابق اجوکے مالی سال وچ جولائی توں مارچ 2015-16ءدے دوران گوشت اتے ایندیاں مصنوعات دی برآمدات دا حجم 212.788 ملین ڈالرتئیں ودھ گیا جڈانجو گزریل مالی سال 2014-15ءدے ایں عرصے دے دوران برآمدات دا حجم 182.248 ملین ڈالر ریکارڈ کیتا گیا ہا ایویں ای گزریل سال دے مقابلے وچ جاری مالی سال دے دوران گوشت اتے ایندیاں مصنوعات دی برآمدات وچ 17 فیصد دا ودھارا ریکارڈ کیتا گیا ہے جیندے نال قیمتی زرمبادلہ کماونڑ وچ مدد ملی ہے۔