اسلام آباد ۔ 9 مئی (اے پی پی) وفاقی وزیر برائے منصوبہ بندی ترقی تے اصلاحات مخدوم خسرو بختیار آکھیا جو اجوکی حکومت سندھ دی ترقی اتے خوشحالی سانگے ہرممکن کم کرنڑ سانگے پرعزم اے۔اے گالھ وفاقی وزیر برائے منصوبہ بندی ترقی تے اصلاحات مخدوم خسرو بختیار دی گورنر سندھ عمران اسماعیل نال گالھ مہاڑکریندیں ہوئیں آکھی جنہان خمیس کوں انہاں نال ملاقات کیتی۔ملاقات اچ سیکرٹری پلاننگ ظفر حسن اتے وزارت دے اعلیٰ حکام وی موجود ہن ۔وفاقی وزیرآکھیا جو وفاقی حکومت صوبائی حکومت نال صوبے دی ترقی سانگے پورا تعاون کریسی اتے کراچی دی عوام کوں پیونڑ دا صاف پانڑی ڈیونڑ،ٹرانسپورٹ دے نظام اچ بہتری سانگے ہرممکن کم کریسی۔اجلاس اچ کراچی دے اجوکے پیکیج اتے وزیراعظم کراچی پیکیج دے تحت جاری اتے نویں منصوبیاں اتے سکیماں تے گالھ مہاڑ کیتی گئی ۔
