نیویارک۔ 15مئی (اے پی پی) اقوام متحدہ اچ پاکستان دی مستقل مندوب ملیحہ لودھی آکھیے جو ایشیائی تہذیب و تمدن دی مذاکراتی کانفرنس نہ صرف مختلف ملکاں تے تہذیباں وچال گال مہاڑ، تبادلیں تے سانجھی تفہیم کوں ودھارا ڈیسی بلکہ ایندے نال ایشیا تے دنیا وچال ہم آہنگی اتے ترقی کوں ودھارا تھیسی ۔چائنا ریڈیو انٹرنیشنل دے مطابق ملیحہ لودھی آکھیے جو چین ہک اہم ہمسایہ تے صدابہار سٹریٹجک تعاون دے شراکت دار دے طور تے ،پاکستان ایشیائی تہذیب وی تمدن دی مذاکراتی کانفرنس دے فورم تے ثقافتی کارنیوال اچ فعال طور تے شرکت کریسی ۔انہاں آکھیے جو ایشیا موجودہ دنیا اچ ایجھا علاقہ بنڑ گے جتھاں ترقی دی گنجائش ساریں توں ودھ اے ، ایشیائی ملک دنیا دے نال تکھی رفتار اقتصادی ترقی تے ایشیا دی قدم تے شاندار تہذیب دی سانجھ کیتے تیار ہن ۔انہان آکھیا جو ایشیائی تہذیب و تمدن دی مذاکراتی کانفرنس ایشیا اتے پوری دنیا دیاں خوبیاں تے روشنی پاونڑ تے ایشیائی تے عالمی تہذیباں کوں ودھارا ڈیونڑ کیتے ہک بین الاقوامی پلیٹ فارم دا کردار ادا کریسی ۔
