عرب ملکاں اچ کرپشن عروج تے ہے، ٹرانسپیرنسی انٹرنیشنل

لندن ۔ 4 مئی (اے پی پی) بد عنوانی تے نظر رکھنڑ آلی بین الاقوامی تنظیم ٹرانسپیرنسی انٹرنیشنل مشرقِ وسطیٰ اچ ودھدی ہوئی بد عنوانی توں متعلق اپنڑی ہک رپورٹ جاری کیتی ہے ۔ ایندے مطابق خطے دے جیرھے ملکاں دا سروے کیتا گئیا ہے ،انہاں اچ اوسطاً 30 فیصد شہریاں کوں کہیں وی پبلک سروس سانگے رشوت ڈیونڑیں پمدی ہے۔ ایں سروے اچ عوامی خدمات دے جن 6 شعبے بارے سوال پچھے گئے، انہاں اچ رشوت دے حوالے نال ساریں توں خراب ریکارڈ عدلیہ دا رہیا ۔ایں سروے سانگے 11 ہزار شہریاں توں پچھ گچھ کیتی گئی ۔ ساریں توںخراب ریکارڈ یمن دا رہیا، جتھاں 77فیصد شہریاں آکھیا جو انہاں دا کوئی کم رشوت دے بغیر نی تھیندا ۔