وفاقی کابینہ گزریل ڈاہ سالیں اچ سابق صدرمملکت اتے وزراءاعظم دے غیر ملکی سفری خرچے،علاج معالجے اتے حج عمرے دے خرچیاں دے آئینی طریقے نال وصول کرنڑ دا فیصلہ کیتے، وزیراعظم دی معاون خصوصی برائے اطلاعات تے نشریات ڈاکٹرفردوس عاشق اعوان دی کابینہ دے اجلاس بارے میڈیا بریفنگ

اسلام آباد ۔ 26 جولائی (اے پی پی) وفاقی کابینہ گزریل ڈاہ سالیں اچ سابق صدرمملکت اتے وزراءاعظم دے غیر ملکی سفری خرچے،علاج معالجے اتے حج عمرے دے خرچیاں دے آئینی طریقے نال وصول کرنڑ دا فیصلہ کیتے،نوسو کروڑ روپے دے گھر اچ رہونڑ آلے بندے دا پیو دا علاج دا پیسہ پاکستانی قوم ڈتے،بھٹو زندہ اے دے نعرے دی آڑ اچ پی آئی اے دی 21پروازاں کوں قومی روٹ توں ہٹا کراہیں سکھر گھن گئن،سابق حکمراناں دے دہی بھلیاں دا بل 25کروڑ روپے ڈتا گے،نواز شریف دے علاج سانگے پی آئی اے دا جہاز پارک کرنڑ دی مد اچ 28کروڑ روپے قومی خزانے توں ڈتے گن،وزیراعظم عمران خان ہدایت ڈتی اے جو او اپوزیشن دے کہیں جلسے،جلوس یا ریلی کوں نہ روکیا ونجے تانجو اے لوک ایکسپوز تھی سگن،اپوزیشن کوں آئینی دائرے اچ رہ کراہیں اپنڑاں کم کرے تاں بہوں کجھ تھی سگدے،حکومت اوگرا، پی ٹی اے، فریکونسی ایلوکیشن بورڈ سمیت پنج اداریاں کوں وزارتاں توں کڈھ کراہیں انہاں دا انتظامی کنٹرول کابینہ ڈویژن کوں ڈے ڈتے۔جمعے کوں وزیراعظم دی معاون خصوصی برائے اطلاعات تے نشریات ڈاکٹرفردوس عاشق اعوان دی کابینہ دے اجلاس بارے میڈیا بریفنگ ڈیندیں ہوئیں آکھیا جو وفاقی کابینہ گزریل ڈینھ دے اجلاس اچ وزیراعظم دے دورہ امریکہ اتے اوندے مثبت اثرات،قومی ترجیحات،خطے دی صورتحال تے غور کیتا گیا۔وفاقی کابینہ وزیراعظم کوں کامیاب دورہ امریکہ تے مبارک ڈتی۔ہک سوال دے جواب اچ انہاں آکھیا جو حکومت اوگرا، پی ٹی اے، فریکونسی ایلوکیشن بورڈ سمیت پنج اداریاں کوں وزارتاں توں کڈھ کراہیں انہاں دا انتظامی کنٹرول کابینہ ڈویژن کوں ڈے ڈتے۔بئے سوال د ے جواب اچ انہاں آکھیا جو سول فوجی قیادت رل کراہیں ملک دے فائدے دی ضامن ہووے تاں اوندے نتیجے بہوں چنگے امدن۔