پوری قوم”ووٹ کو عزت دو“ دا نعرہ سینٹ اچ کامیاب تھیندا ڈٹھا ، ایں نعرے اپوزیشن دی خواہشات آلی کار دم تروڑ ڈتے،اپوزیشن دی روایتی ہٹ دھرمی اتے نام نہاد جمہوریت دا دعوی کرنڑ آلے ہار گن ، اطلاعات تے نشریات بارے وزیراعظم دی معاون خصوصی ڈاکٹر فردوس عاشق اعوان دی پارلیمنٹ ہاوس دے باہر میڈیا نال گالھ مہاڑ

اسلام آباد ۔ یکم اگست (اے پی پی) اطلاعات تے نشریات بارے وزیراعظم دی معاون خصوصی ڈاکٹر فردوس عاشق اعوان خمیس کوں پارلیمنٹ ہاوس دے باہر میڈیا نال گالھ مہاڑ کریندے ہوئیں آکھیا جو پوری قوم ڈٹھے جو”ووٹ کو عزت دو“ دا نعرہ سینٹ اچ کامیاب تھئے ، ایں نعرے اپوزیشن دی خواہشات آلی کار دم تروڑ ڈتے۔انہاں آکھیا جواپوزیشن دی روایتی ہٹ دھرمی اتے نام نہاد جمہوریت دے دعوی کرنڑ آلے ہار گن۔انہاں آکھیا جوڈو تحریک عدم اعتماد سینٹ اچ جمع تھئیاں ،ہک چیئرمین سینٹ اتے ہک ڈپٹی چیئرمین دے خلاف ووٹنگ تھئی ، اپوزیشن دے سارے ہتھکنڈاں دے باوجود کامیاب ووٹنگ تھئی۔ انہاں آکھیا جو سینیٹرز خفیہ ووٹنگ دی مدد نال صادق سجرانی کوں جیتوایا، اپوزیشن دی روایتی ہٹ دھرمی اتے نام نہاد جمہوریت دے دعوی کرنڑ آلے ہار گن ۔ انہاں آکھیا جو تحریک عدم اعتماد دی آڑ اچ ج جیرھاوار کیتا گیا، اداریاں کوں کمزور کیےا گیا، ہار دے خوف دی وجہ نال انہاں ڈپٹی چیئرمین دے خلاف تحریک تے ووٹنگ نی تھیونڑ ڈتی کیونجو ا نہاں کوں اپنڑیں ذات اتے اثاثیاں نال دلچسپی ہے۔ ڈاکٹر فردوس عاشق اعوان آکھیا جو مولانا شور مچیندے رہے جو حکومت این آر او گھنڑ آئی، اج سینیٹرز انہاں دے دعوی تے حملہ کرڈتے۔ انہاں آکھیا جومولانا اللہ سائیں توں معافی منگنڑ اتے اسلام آباد اچ دھرنے دی کال واپس گھنڑ ورنہ انہاں دے نال ایں توں وی بھیڑی تھیسی۔