اسلام آباد ۔ 27 اگست (اے پی پی)ڈپٹی چیئرمین سینیٹ سلیم مانڈوی والا آکھیے جو امریکی صدر ٹرمپ مسئلہ کشمیر تے ثالثی سانگے مودی کوں راضی کرنڑ، مودی دی ہٹ دھرمی پاروں مسئلہ کشمیر حل نی تھیندا پیا۔ منگل کو ں اپنڑے ہک بیان اچ انہاں آکھیا جو ڈونلڈ ٹرمپ نال ملاقات اچ مودی ولوں امریکی صدر دی ثالثی کوں مسترد کرنڑ تشویشناک ہے، ساری دنیا دی نظراں ٹرمپ اتے مودی دی ملاقات تے لگیاں ہوئیں ہن۔ انہاں آکھیا جو مسئلہ کشمیر اقوام متحدہ دی قرارداداں مطابق حل کیتا ونجے، کشمیریاں کو ں انہاں دے مستقبل دا فیصلہ کرنڑ ڈتا ونجے، مقبوضہ کشمیر اچ انسانی حقوق دی خلاف ورزیاں کیتیاں ویندیاں پن ۔ انہاں آکھیا جو کشمیر اچ بھارتی فوج دے کرفیو دی وجہ نال زندگی مفلوج تھی گی ہے۔
