لہور ۔ 31 اگست (اے پی پی)اطلاعات اتے نشریات بارے وزیراعظم دی معاون خصوصی ڈاکٹر فردوس عاشق اعوان آکھیے جو کرتار پور لانگھا دا افتتاح وزیراعظم عمران خان دے اعلان دے مطابق اپنڑے ویلھے تے کیتاویسی اتے ایکوں کھولنڑ کیتے کوئی رکاوٹ کائنی۔لہور اچ بین الاقوامی سکھ کنونشن نال خطاب کریندے ہوئے انہاں دا آکھنڑ ہا جو مقبوضہ کشمیر دے مظلوم لوک ایں ویلھے اوکھے ویلھے اچ ہین جنہاں کوں ساڈی مکمل حمایت چاہیدی اے ، خوشی اے جو سکھ برادری وی اپنڑے کشمیری بھراواں دے نال کھڑی اے کیوں جو اے صرف کشمیریاں دا ہی نئیں بھارت دی ہر اقلیت دا مسلہ اے جو آر ایس ایس انہاں کوں بھارت توں مٹاونڑتے تلی ہوئی اے۔انہاں آکھیے جو جیویں کشمیری سکھاں کوں بھرا سمجھدن اوویں سکھ برادری وی ڈٹ تے کشمیریاں دے نال کھڑی اے اتے مودی حکومت دے اقدامات دے خلاف آواز چیندی پئی اے۔
