اسلام آباد ۔ 12 ستمبر (اے پی پی)ایشیائی ترقیاتی بینک (اے ڈی بی)دی رپورٹ دے مطابق گزریل سال 2018ءپاکستان کوں 21 ارب ڈالردی ترسیلات زر وصول تھین۔ودھ ترسیلات زر اچ بھارت پہلے،چین ڈوجھے اتے فلپائن تریجھے نمبر تے رہے۔سال ڈو ہزار اٹھارہ اچ پاکستان 21 ارب ڈالر ترسیلات زر وصول کرنڑ تے جنوبی ایشیاءداچوتھا وڈا ملک رہے۔اے ڈی بی دی رپورٹ دے مطابق سال 2018ءاچ پاکستان دی برآمدات مجموعی قومی پیداوار ( جی ڈی پی)دے 8.5 فیصد تئیں گھت گین جیہڑیاں سال 2010ءاچ 13.5 فیصد ہن۔سال 2000 ءاچ پاکستان دی مجموعی درآمدات جی ڈی پی دے 13.2 فیصد دے برابر ہن جیہڑیاں پچھلے سال 2018ءاچ 19.4 فیصدتئیں ودھ گین۔
