نیویارک ۔ 22 ستمبر (اے پی پی) وزیر اعظم عمران خان ست ڈینہہ دے دورے تے امریکا اچ ہین جتھاں او اقوام متحدہ دی جنرل اسمبلی اجلاس اچ شرکت کریسن اتے اہم خطاب وی کریسن۔امکان اے جو او 23 ستمبرسنوار کو ں جنرل اسمبلی اجلاس دے موقع تے امریکی صدر ڈونلڈ ٹرمپ نال اہم ملاقات کریسن۔سفارتی ذرائع موجب وزیراعظم عمران خان دی امریکی صدر نال ڈو ملاقاتاں متوقع ہین۔اپنڑی ملاقات اچ او کشمیر دا مسلہ ولا چیسن اتے امریکی صدر کوں مسلہ کشمیر دے حل بارے انہاں دی ثالثی پیشکش اتے کردار ادا کرنڑ دی یاد دہانی کریسن جو او مقبوضہ کشمیر اچ بھارتی مظالم، پابندیاں ختم کراونڑ اتے کشمیریاں کوںاقوام متحدہ دیاں قراردادں دے مطابق حق خود ارادیت ڈیوانڑ کیتے اگو آون۔ کشمیر بارے جنرل اسمبلی اجلاس اچ شرکت کیتے بئے عالمی رہنما وی(اج) سنوار کوں نیو یارک پجسن جتھاں ہک اعلیٰ سطح بحث شروع تھیسی جیہڑی 29 ستمبرتئیں جاری رہسی۔ڈوہیں پاکستانی و بھارتی وزراءاعظم دا اقوام متحدہ دی جنرل اسمبلی نال 27 ستمبر کوں خطاب تھیونڑے۔بھارتی وزیراعظم نریندر مودی جمعے دی سویل اتے وزیر اعظم عمران خان ڈوپہریں کوں خطاب کریسن۔ وزیراعظم علان کیتے جو او جنرل اسمبلی اچ مسلہ کشمیر اتے بھارتی غیر قانونی اقدامات کوں بھرپور انداز اچ چیسن۔
