نیویارک ۔ 23 ستمبر (اے پی پی) عالمی ادارہ صحت ایں گال تے زور ڈتے جو مختلف ملک اپنڑے عوام کوں طبی سہولتاں دی فراہمی کیتے بجٹ ودھاون ۔ ورلڈ بینک اتے او ای سی ڈی نامی تنظیم دے رلے جاری ہک سانجھی رپورٹ اچ آکھیا گے جو لوکاں کوں ہنڑ مہانگی دوائی گھننڑیں پوندی اے تے علاج کیتے اپنڑی جیب توں پیسے ڈیونڑیں پوندن ۔رپورٹ اچ حکومتاں توں مطالبہ کیتا گے جو او اپنڑی مجموعی قومی پیداوار دا ودھیک گھٹ توں گھٹ ہک فیصد طبی سہولتاں دی فراہمی تے صرف کیتا ونجے ۔ایں وقت دنیا دی آبادی 7.7 بلین اے جڈاں جو طبی سہولتاں تئیں رسائی ایندے اچوں صرف ادھ کوں حاصل اے ۔
