وزیر خارجہ مخدوم شاہ محمود قریشی دا نیویارک اچ خلیج تعاون کونسل دے اجلاس نال خطاب
نیویارک ۔ 26 ستمبر (اے پی پی) وزیر خارجہ مخدوم شاہ محمود قریشی آکھیے جو اسلامی ملکاں ناک برادرانہ تعلقات ودھاونڑ ساڈی خارجہ پالیسی دا وڈا حصہ اے، خلیجی ممالک ولوں ویزہ پابندی اچ نرمی نال معاشی سرگرمیاں ودھسن۔ اے گالھ وزیر خارجہ مخدوم شاہ محمود قریشی نیویارک اچ خلیج تعاون کونسل دے اجلاس نال خطاب اچ آکھی۔انہاں آکھیا جو پاکستان، خلیج تعاون کونسل اچ شامل برادر اسلامی ملکاں نال کثیرالجہتی شعبیاں اچ ڈو طرفہ تعاون ودھاونڑ چاہندے،پاکستان فناشل ایکشن ٹاسک فورس دے اہداف پورے کرنڑ کیتے سنجیدہ اقدامات کریندا پئے،امید اے آندے مہینے پیرس اچ ایف اے ٹی ایف اجلاس اچ جی سی سی ساڈا ہتھ ونڈیسی،جی سی سی نال فری ٹریڈ دا حتمی دور تیکھے مکمل کر گھدا ویسی،خلیجی ملکاں کیتے پاکستان اچ سرمایہ کاری دی چنگی فضا بنڑدی پئی اے جیندے نال خلیجی ملکاں کوں فیدہ چاونڑا چاہیدے۔ اسٹریٹجک مذاکرات دے مشترکہ فیصلیاںتے عملدرآمد چنگے انداز اچ تھیندا پئے،خواہش اے جو سیکرٹری جنرل جی سی سی تیکھے پاکستان دادورہ کریسن۔
