واشنگٹن/ اسلام آباد۔ 24 اپریل (اے پی پی) وزیرخزانہ سینیٹر اسحاق ڈار سعودی وزیر خزانہ محمد الجادان نال ملاقات کیتی اتے سعودی وزیر خزانہ کوں عہدہ سنبھالنڑ تے مبارخ ڈتی ۔ واشنگٹن توں اتھاں ملنڑ آلی ہک پریس ریلیز دے مطابق وزیرخزانہ سینیٹر اسحاق ڈار سعودی وزیر خزانہ محمد الجادان نال وژن2030ءاتے ایندے تحت شروع کیتے ونجنڑآلے منصوبیاں اُتے گالھ مہاڑ کیتی ۔ گالھ مہاڑ کریندے ہوئیں سعودی وزیر خزانہ آکھے جو سعودی عرب دی معیشت دا تیل اُتے انحصار حولے حولے گھٹ تھیندا پئے تانجو او تیل دے ذخیرے اچ گھٹکی توں گھٹ توں گھٹ متاثر تھیوے ۔ انہاں آکھیا جو ڈوہائیں بھرا اسلامی ملک مستقبل اچ سانجھے دار راہسن ۔ سعودی وزیر خزانہ حکومت پاکستان ولوں ملکی معیشت دی بحالی کیتے کیتے گئے اقدامات دی تعریف کیتی ۔ ایں موقعے تے وزیر خزانہ اسحاق ڈار انہاں کوں پاکستان اچ اقتصادی ترقی دی صورتحال بارے ڈسایا۔
