نویں بلدیاتی نظام اچ ملتان کوں میٹروپولیٹن دا درجہ مل ویسی، وزیراعلی پنجاب

ملتان ۔04 نومبر (اے پی پی)وزیر اعلیٰ پنجاب سردار عثمان بزدارملتان اچ صفائی اتے ستھرائی بارے ضلعی انتظامیہ دی تعریف کیتی اتے ڈپٹی کمشنر عامر خٹک کوں شاباش ڈتی۔گزریل ڈو ڈینھ ملتان اچ رہنڑ دے بعد لہور روانگی ویلھے ایئرپورٹ تے کمشنر ملتان ڈویژن افتخار سہو،آر پی او وسیم خان، ڈپٹی کمشنر عامر خٹک اتے سی پی او محمد زبیر دریشک انہاں کوں روانہ کیتا۔ایں موقع تے گالھ مہاڑ اچ وزیراعلیٰ شہر اچ صفائی دی صورتحال دی بہوں تعریف کیتی۔وزیراعلیٰ ایں موقع تے آکھیا جو صفائی دے نال نال پودے لاونڑ دا وی توجہ ڈتی ونجے۔انہاں آکھیا جو نویں بلدیاتی نظام اچ ملتان کوں میٹروپولیٹن دا درجہ مل ویسی اتے شہر دی حد ودھ ویسی۔