مظفرگڑھ۔ 6 نومبر(اے پی پی)مظفرگڑھ دی تحصیل کوٹ ادو اچ لین دین دے تنازعے تے6سال دی دھی نال ساڑی ونجنڑ آلے تریمت ہک ہفتے زندگی تے موت دی کشمکش اچ رہندیں ہوئیں دم تروڑ ڈتا ۔تفصیل دے مطابق کوٹ ادو دے علاقے نواں شہر اچ سجاد ناں دے بندے تریمت زاہدہ پروین اتے اوندے چھی سال دی دھی عائشہ کوں پٹرول سٹ کراہیں بھاہ لا ڈتی ہئی ،سجاد زاہدہ پروین کوں چار لکھ روپے ڈیونڑے ہن ،تریمت ولوں رقم دا تقاضہ کرنڑ تے ملزم سجاد ماءدھی کوں پٹرول سٹ کراہیں بھاہ لا ڈتی ۔متوفیہ دی لاش پوسٹ مارٹم دی بعد ورثاءدے حوالے کر ڈتی گئی ۔
