مظفرگڑھ ۔ 8 نومبر (اے پی پی) نشے اچ دھت گھوٹ دے یار دی میندی دی رسم اچ فائرنگ کر ڈتی،گولی لگنڑ نال سٹیج تے بیٹھی کنوار دی شادی شدہ بھینڑ جاں بحق تھی گئی،شادی دا گھر ماتم اچ بدل گیا۔اے افسوسناک واقعہ گزریل رات خان گڑھ توں چھی کلومیٹر پرے منڈا چوک اچ تھیا،سول کورٹ مظفرگڑھ اچ تعینات بیلف منیر حسین دی دھی دی شادی دی میندی دی تقریب تھیندی پی ہئی جو گھوٹ کاشف دے یار شراب اچ دھت تھی کراہیں شریک ہک،ایں وچال جگت پور دے رہنڑ آلے عابد حسین فائرنگ شروع کر ڈتی،جئیں نال گولیاں سٹیج تے بیٹھی کنوار دی بھینڑ صائمہ بی بی کوں لگ گئی اتے او موقع تے دم تروڑ ڈتا ،ملزم بھج گیا،اطلاع ملنڑ تے خان گڑھ پولیس موقع تے پج گئی اتے کاروائی شروع کر ڈتی اتے گھوٹ کوں حراست اچ گھن گھدا گیا۔
