ملتان ۔ 10 نومبر(اے پی پی)پورے ملک آلی کار سرائیکی وسوں دے مرکزی شہرملتان اچ وی جشن میلادالنبی روایتی جوش وجذبے اتے عقیدت واحترام نال منایا گئے جیندے کیتے مختلف جاہیں توں میلادریلیاں اتے جلوس کڈھیے گین۔شہردیاں گلیاں ،بازاراں اتے مختلف عمارتاں کوں خوبصورتی نال سجایا گئے۔ملتان اچ میلادالنبیدامرکزی جلوس ہرسال االی اکر ایںواری وی انجمن اسلامیہ کڈھیے،ایں 91ویں سالانہ جلوس دی قیادت سابق وزیراعظم یوسف رضاگیلانی ،دربارحضرت موسیٰ پاک شہیددے سجادہ نشین مخدوم ابوالحسن گیلانی ،سید تنویرالحسن گیلانی ،سابق صوبائی وزیراتے سینئرسیاستدان مخدوم جاویدہاشمی اتے یزدانی گیلانی کیتی۔جلوس اچ رکن صوبائی اسمبلی حاجی جاویدانصاری ،اطلاعات دے پارلیمانی سیکرٹری ندیم قریشی ،ایم پی اے علی حیدر گیلانی ،ایم پی اے نسیم لابروی شرکت کیتی۔ اے جلوس حسین آگاہی ،پاک گیٹ ،چوک شہیداں توں تھینداگھنٹہ گھردے رستے ولا دولت گیٹ مکیے۔محلہ داﺅدجہانیاں توں مرکزی نعت خوان کونسل ولوں عیدمیلاد داجلوس کڈھیا گئے جیندے اچ وزیرخارجہ مخدوم شاہ محمودقریشی شرکت کیتی ۔اے جلوس بعداچ انجمن اسلامیہ دے مرکزی جلوس نال رل گئے جتھاں جلوس دے سرتے اچ جاہ جاہ تے سبیلاں لایاں گیاں ہن،لنگر ونڈیے گین اتے استقبالیہ کیمپ وی لائے گین۔
