عمان ۔11نومبر(اے پی پی)اردن اسرائیل کوں لیز تے ڈتے گے ڈو علاقے اپنڑی مکمل عمل داری اچ گھن گھنسی ۔اے اعلان اردن دے شاہ عبداللہ ثانی نویں ملکی کابینہ نال خطاب کریندے ہوئیں کیتے ۔1994 اچ اسرائیل اتے اردن وچال طے پاونڑ آلے تاریخی امن ڈیل دے تحت الغمر اتے الباقورہ نامی اردنی علاقے اسرائیل کوں25 سال کیتے لیز تے ڈتے گے ہن ۔ اے علاقے 70 سال توں اسرائیل دے تصرف اچ ہن ۔ شاہ عبداللہ ثانی اجوکے سال دے شروع اچ ہی عندیہ ڈتا ہئی جو انہاں علاقیں دی لیزکائناں ودھائی ویسی ۔
