اقوام متحدہ ۔ 14 نومبر (اے پی پی) یورپی ملکاں شمالی کوریا دے بیلسٹک میزائل دے لگاتار تجربے تے ودھ ساری تشویش دا اظہار کیتے ۔اقوام متحدہ اچ برطانیہ دے مستقل نمائندہ کرسٹوف یگن مشترکہ بیان جاری کرتے آکھیے جو جرمنی، فرانس اتے برطانیہ شمالی کوریا ولوں بیلسٹک میزائل تجربے دے مسلسل تجربہ کرنڑ تے ودھ ساری تشویش دا اظہار کیتے ۔انہاں ترائے ملکاں شمالی کوریا دے تجربے دی سخت الفاظ اچ مذمت کیتی اے کیوں جو ایندے علاقائی سلامتی تے استحکام کوں خطرہ پیدا تھیونڑ دے نال اقوام متحدہ دیاں قرارداداں دی خلاف ورزی تھیندی اے ۔
