اسلام آباد ۔15 دسمبر(اے پی پی) سی پیک منصوبے دے ملتان سکھر موٹروے(ایم 5) دی تعمیر نال ڈوہیں شہراں دا سفر نہ صرف 11 گھنٹے توں گھٹ تھی تے چار گھنٹے رہ گے بلکہ ایندے نال ہزاراں مقامی تجارتی مرکز بحال تھیونڑ دے نال روٹ دے نیڑے دی آبادی دے معیار زندگی تے وی چنگے اثرات تھن ۔سی پیک اتھارٹی حکام اے پی پی کوں ڈسائے جو ملتان سکھر موٹروے پشاور توںکراچی ایکسپریس وے دا اہم سیکشن اے جیں نال سی پیک فریم ورک دے تحت تعمیر کیتا گے ۔ انہاں آکھیے جو ایم 5 موٹروے پاروں موٹر وے نال رلیے علاقیں سماجی و اقتصادی تعمیر و ترقی دے رستے کھلنڑ دے نال نال چین تے پاکستان وچال سانجھے گانڈھے مزید پکے تھیسن ۔
