پیانگ یانگ۔16 دسمبر(اے پی پی) روس دے ہک اعلیٰ عہدیدار آکھیے جو اقوام متحدہ دیاں قرارداداں دے تحت شمالی کوریا تے لاتیاں گیاں پابندیاں دی تعمیل کریندے ہوئیں شمالی کوریائی کارکناں کوں واپس بھیجنڑ شروع کرڈتے ۔ پیانگ یانگ اچ میڈیا نال گال مہاڑ کریندے ہوئیں شمالی کوریا اچ تعینات روسی سفیر الیگزینڈر ماتسیگورا آکھیے جو شمالی کوریائی کارکن روس کیتے بہوں سود مند ہن تاں جو انہاں کوں وطن واپس بھیجیا ویندا پئے ۔ 2017اچ روس اچ 30ہزار توں ودھ شمالی کوریائی محنت کش کم کریندے پئے ہن ۔ انہاں مزید آکھیے جو شمالی کوریائی شہریاں دی واپسی دا عمل پورا تھیونڑ دے بعد انہاں پروازاں کوں بند کرڈتا ویسی ۔روسی سفیر آکھیے جو کارکناں دی واپسی دا عمل 22دسمبر تئیں مکمل کر گھدا ویسی ۔
