دوحہ ۔ 16 دسمبر (اے پی پی) ایرانی وزیر خارجہ محمد جواد ظریف آکھیے جو کجھ عالمی طاقتاں ، خطے اچ عدم مساوات توں غلط فائدہ چیندے ہوئیں انہاں کوں اپنڑی فوجی موجودگی کوں ودھاونڑ تے خطے دے تقریباََ سارے فریقاں کوں ودھ توں ودھ اسلحہ ویچنڑ دے موقع تے طور تے ڈیکھدن، ایران ہرمز امن منصوبے دی تجویز نال خطے دے ملکاں وچال یکجہتی ، سانجھی مفاہمت،پر امن تے دوستانہ تعلقات تے تعاون کوں ودھارا ڈیونڑ دی پرانڑیں خواہش کوں پورا کرنڑ دی کوشش کریندا پئے ۔ گاے ال محمد جواد ظریف قطر اچ منعقدہ 2019 ءدوحہ فورم اجلاس نال خطاب کریندے ہوئیں آکھی اے ۔ انہاں مزید آکھیے جو ہک ایجھے وقت جڈاں مغربی ایشیا اچ امن اتے سلامتی برقرار اے تاں اساڈا خطہ شدید ہنگامیں دا شکار اے ۔انہاں آکھیے میکوں یقین اے جو اساکوں بہوں سارے بحراناں داسامنڑاں اے انہاں دا منڈھ ہک طرح عالمی صورت اچ اے جیں نہ صرف خطے دے ملکاں بلکہ عالمی طاقتاں کوں وی متاثر کیتے۔
